PRINCIPIOS FUNDACIONALES D’ALANTRE
N’ALANTRE compartimos un xeitu de facer política cona basa na honestidá, la tresparencia, l’apertura, la pluralidá y la vocación de serviciu públicu, y facemos un apueste por una organización y furrulamientu fondeiramente democráticu y descentralizáu cumo herencia del raigame conceyil de la nuesa tierra. La sociedá llionesa dióu reblagos pa empobinase p’hacia un nuevu estadiu políticu nel que las reclamaciones de la ciudadanía sian atendidas a la fin. La esquierda llionesa nun puede ser ayena al cambeu de paradigma que tuvon llugar nel nuesu territoriu angüañu. Yia la nuesa misión servir d’altavoz pa facer los cambeos que la nuesa sociedá precisa cona fin de facela más llibre, xusta, participativa y solidaria. Aspiramos ser la erbia de cambeu al traviés del llabor que se efectúe de lu baxeiru a lu cimeiru., col punxu nas vindicaciones de la mayoría social pa participar d’un procesu democráticu que dea visibilidá al País Llionés y las suas especificidades socioeconómicas. ALANTRE cumo organización pretende crear un espaciu de participación política col finxu que medre un movimientu social de progresu, una esquierda renovada y renovadora.
1. Autogobiernu y Federalismu. N’ALANTRE trabayamos pa que la reconocencia del País Llionés cumo suxectu políticu sia una rialidá. N’igualdá de condiciones con outros territorios, deseamos que l’anhelada autonomía política sia un feitu pa xestionar los servicios y recursos propios nel ámbitu de las competencias autonómicas y proporcionar un mediu d’autoxestión. P’algamar la nuesa meta utilizaremos tolas erbias al nuesu algame pa que tola ciudadanía llionesa vea nas suas instituciones una capacidá tresformadora que permita camudar la dinámica social y económica del nuesu País, ensin escaecer las relaciones de vecindá col restu de pueblos ibéricos, texiendo llazos económicos, laborales y afectivos con outros territorios dende una perspectiva internacionalista y solidaria. Al mesmu tiempu, debemos afrontar los retos de la crisis de la globalización, defender los dereitos sociales y laborales, asina cumo llograr presencia y capacidá de presión nel conxuntu del Estáu y ante la Unión Europea a la hora de caminar p’hacia un modelu federal qu’afonde na democracia rial.
2. Fiscalidá progresiva y diferenciada. Planteamos la aplicación de medidas redistributivas en materia fiscal cona fin de correxir el medre na brecha existente ente clases sociales, meyorar el repartu la bayura, afondar na excesiva acumulación de la mesma nun reducíu númaru de personas y camudar las políticas económicas que nun abordanon los elementos fondeiros d’estos desequilibrios. Dende ALANTRE planteamos y vindicamos un reforma radical del sistema tributariu cona fin de finar conos privilexios fiscales d’una minoría, defendiendo qu’ensin igualdá rial nun hai modelu sostenible. Facemos un apueste tamién por aplicar una fiscalidá diferenciada en favor del mediu rural col oxetivu de contribuir a afitar población y amenorgar los desequilibrios respectu al mediu urbanu. En definitiva, la xusticia social debe ser l’eixe de la nuesa acción política.
3. Defensa de los Servicios Públicos. Ante la ofensiva lanzada pol neoliberalismu, los miembros d’ALANTRE posicionámonos a favor d’un ensiñu y sanidá públicas de calidá, poniendo una atención particular a la salú mental y a las enfermedades raras, cona fin de meyorar los estándares existentes hasta’l momentu. Asina, defendemos un sistema públicu de pensiones qu’asegure’l poder adquisitivu de tolas personas xubiladas y unos servicios públicos que garanticen derechos constitucionales cumo la vivienda y l’accesu a los suministros enerxéticos pa tola población. Nun queremos una sociedá onde’l beneficiu empresarial ou’l lucru priváu estean penriba del bienestar de las personas. El progresismu tresformador que representa ALANTRE quier conxugar los dereitos de los individuos y los dereitos económicos pa crear una sociedá más xusta y xunida na que tolos ciudadanos que viven eiqui tengan las mesmas opciones d’acceder a los servicios públicos que garanticen la sua calidá de vida ya igualdá d’oportunidades.
4. Tresparencia, democracia directa. Defendemos la tresparencia ya puxaremos la participación ciudadana en tol ámbitu de la vida política, fomentando un averamientu’l pueblu a los sous organos de gobiernu. N’ALANTRE consideramos que la participación ya tresparencia son palancas imprescindibles pa llevar esti procesu de tresformación social. Reconocemos al Conceyu cumo elementu primariu de participación democrática, por eso las nuesas llíneas d’actuación serán tomadas nel conceyu correspondiente.
5. Ecoloxismu. Dende ALANTRE planteamos una política que permita’l desarrollu agrícola y ganaderu, asi cumo una ordenación del territoriu urbanu y rural que sia compatible y respetuosu cona biodiversidá del entornu. Por esta razón, aspiramos a protexer y poner en valor el patrimoniu de los espacios naturales, teniendo que los cabeiros representan amás un reclamu pa punxar nuevos nichos de desarrollu económicu. La situación d’emerxencia climática que vivimos provocóu cambeos irreversibles nos ecosistemas de fatales consecuencias, obligando cumo sociedá a ofrecer una rempuesta firme qu’implique’l conxuntu de políticas públicas enerxérticas, ambientales, de sostenibilidá, de salú pública, económicas, de bienestar y calidá de vida. Solu asina avanzamos p’hacia un modelu productivu sostenible y de consumu responsable que garantice las necesidades de las xeneraciones futuras.
6. Igualdá d’oportunidades. Entendemos que tolas personas del País Llionés asisten-ys los mesmos dereitos y obligaciones, independientemente la sua ideoloxía política, orientación afectivu-sexual, creencias, relixiosas, identidá de xéneru, procedencia social, mediu nel que viva… Por eillu, ALANTRE comprométese a garantizar igualdá d’oportunidades a tola ciudadanía pa que pueda desarrollar tol sou potencial y exercer dafeitu las suas llibertades personales.
7. Feminismu. N’ALANTRE pescanciamos los feminismos cumo una práctica y lluita por algamar la igualdá efectiva ente muyeres y varones en tolos ámbitos de la vida colectiva. Perseguimos revertir una situación d’opresión hestórica del varón sobru la muyer, sólu pol feitu de ser muyer. Esta dinámica de subordinación exprésase al traviés de diferentes formas d’explotación, desigualdá y violencia específicas. Cumo organización faeremos frente a las estructuras sociales, culturales, políticas y económicas que posibilitan y estimulan una desigualdá por la que las muyeres están ubicadas nuna posición subordinada. Yia asina que n’ALANTRE consideramos a la muyer, cumo persona que yia, suxectu activu na tresformación del conxuntu de la sociedá, y siempre n’igualdá de condiciones respetu al varón.
8. LGTBI+. N’ALANTRE vindicamos los dereitos del colectivu LGTBI+ y comprometémosnos a denunciar cualisquier expresión homófoba y tresfóbica, asi cumo a trabayar por algamar una sociedá na que tolas personas puedan vivir en llibertá y na que la identidá de ca persona y la sua orientación sexual nun sian motivu d’exclusión nin discriminación.
9. Dereitos sociales. N’ALANTRE semos firmes defensores d’un sistema públicu de protección social que garantice tola ciudadanía unas condiciones de vida dignas. Esto solu yia posible si los trabayadores cuentan con ingresos suficientes que-ys permita satisfacer las suas necesidades básicas. Tales ingresos quedarán aseguraos cona implantación de la Renta Básica Universal, renta qu’ALANTRE defenderá y promoverá. Pero tamién son necesidá básica la conciliación familiar y el cuidáu de los nuesos mayores, por eso ALANTRE trabayará pa regulación del teletrabayu en tolos Convenios Colectivos ou cualisquier outra midida que permita compaginar tiempu de familia y trabayu. D’igual xeitu, el sistema públicu de protección proveerá a las personas dependientes de los cuidados que precisen y que la llei reconoce-ys cumo dereito suxectivu. Los nuesos mayores tienen dereitos y buscaremos camudar el sistema pa colocar el dereitu nos nuesos mayores y nun nos fiyos. Debemos garantizar un sistema de cuidáu de calidá que-ys permita elexir onde vivir con calidá y dignidá. Por eso dende ALANTRE fomentamos el desarrollu laboral col cuidáu a la tercera edá, l’asistencia a domiciliu, teleasistencia y refugamos l’incrementu neoliberal de los asilos, onde se produz un pequeñu maltratu a los nuesos mayores nun pola banda de los trabayadores sinon del sistema capitalista que quier reducir los costes, explotar al trabayador y repercute que los nuesos mayores nun tengan el tiempo necesariu pa satisfacer los sous cuidaos físicos, y mentales. Asina, trabayaremos pa que las paisanas y paisanos con cualisquier tipu de diversidá funcional tengan los servicios y recursos públicos suficientes que-ys garanticen una cuota afayadiza de calidá de vida.
10. LLinguas llionesas. ALANTRE promoverá que, el llionés y el gallegu, tengan estatus legal que garantice’l sou ensiñu y aprendizaxe ente tola ciudadanía llionesa, sian utilizadas polas diferentes alministraciones y tengan la visibilidá y consideración que merecen. Queremos unas llinguas vivas y útiles. Dambas llinguas nun son solu una erbia de comunicación, son tamién señas d’identidá del País LLionés. Deben servinos tanto pa comunicanos cumo pa desarrollar el nuesu mundu simbólicu y afectivu. Na fin, queremos un pueblu que sienta arguyu de la sua llingua ya identidá, ya que sofite’l sou ricu bagaxe cultural, hestóricu, musical y lliterariu, cualisquiera que sian las suas expresiones.
11. Memoria Hestórica. N’ALANTRE queremos vindicar la memoria de todos aqueillos que sufrienon la vilencia y la opresión, especialmente la memoria de las víctimas del frnaquismu, las cuales el País LLionés caltien numerosos casos. Nesi sen, colaboraremos con aqueillas asociaciones que se ocupan de recuperar la Memoria Hestórica del nuesu territoriu, dado que nos sentimos heredeiros d’aqueillos que lluitanon por defender la democracia y llibertá.
12. Rede de comunicación y movilidá. Vindicamos con carácter irrenunciable los grandes equipamientos ya infraestruturas que necesitamos cumo pueblu, ya que depende’l nuesu futuru. Dende ALANTRE pretendemos desarrollar unas infraestruturas eficientes de comunicación por carretera, ferrocarril y transporte aéreu alternativas al modelu radial qu’angüañu desarrolla l’Estáu. Estas son necesarias pa la vertebración del territoriu, ya que permiten tantu el nuesu desarrollu socioeconómicu cumo’l de los territorios vecinos: Extremadura, Pertual, Asturies, Galiza y Castiella. Amás, facemos un apueste por potenciar las formas de movilidá afayadizas en función del algame y la carga, favoreciendo l’usu de la bicicleta cumo alternativa de transporte seguru y saludable en distancias curtias, así cumo’l desarrollu d’una rede de servicios de transporte públicu áxil ya eficiente.
13. Soberanía enerxética. La soberanía enerxética yia unu de los nuesos finxos cumo País. Pretendemos algamar esta meta al traviés de las enerxías renovables ensin desestimar el sou impactu ambiental. La irrupción d’esti tipu d’enerxías abre la puerta a establecer un modelu de proximidá, democráticu y eficiente que permita averar las fuentes de xeneración d’enerxía a los llugares onde va ser consumida per aciu la creación de comunidades enerxéticas ya instalaciones d’autoconsumu en ciudades y pueblos. Nesi sen, tenemos una conocencia del impactu ambiental y socioeconómicu que sufrimos y tamos sufriendo cona construcción de los banzaos ensin que redundase en beneficiu pa la nuesa sociedá, sobru todu nas zonas afectadas. Por eillu, esiximos l’establecimientu d’un canon enerxéticu que compense la pérdida de patrimoniu natural debíu a la explotación extractiva de los nuesos recursos naturales. Tamién consideramos necesariu combatir la pobreza enerxética desarrollando políticas de redistribución qu’aseguren l’accesu a la enerxía cumo un dereitu básicu de la ciudadanía.
14. Desarrollu y sostenibilidá. Puxaremos un modelu de desarrollu ya infraestruturas que vertebre’l nuesu territorio col oxetivu de facilitar l’accesu a cualisquier ciudadanu, independientemente del sou llugar de residencia. Promoveremos la explotación sostenible de las fortalezas económicas del País LLionés, principalmente las industrias tresformadoras, agro-ganaderas, alimentarias, enerxéticas y turísticas, y defenderemos una alianza conos territorios del noroeste ibéricu. El desarrollu rural del nuesu País y la sua interconexión yia prioritariu pa garantizar la sostenibilidá d’un modelu económicu de cercanía, l’accesu a servicios públicos n’igualdá de condiciones, la contribución al caltenimientu del mediu ambiente y, sobru todu, curtiar el grave problema de la despoblación. Defenderemos un modelu local de producción, distribución y consumu sostenible, protexiendo a la pequeña y mediana producción cumo a l’agricultura y ganadería extensiva. Nesi sen, queremos un modelu d’ordenación territorial centráu nel equilibriu y la equidá, y una sociedá que faiga un apueste pol sector del conocimientu ya la investigación.
15. Diáspora. Pa la militancia d’ALANTRE yia llionés todu aquel que viva y trabaye nel País LLionés, independientemente de la sua procedencia. Valoramos la contribución de tolas llionesas y llioneses que tuvienon qu’emigrar al proyectu común de sociedá intercultural y multicultural a la que pertenecemos, tamién los sous descendientes. Por eillu, la nuesa acción política encaminarase a que los emigrantes tenga dereitos políticos n’igualdá de condiciones conos que viven eiquí cona fin de face-ys coparticipes del modelu sociedá que queremos construir, siempres cona vista a un retornu.
16. Cultura. Creemos na creación artística cumo un feitu esencial que permita a una sociedá expresase, reflexionar y evolucionar con una conciencia crítica y empática. D’esti xeitu, dende ALANTRE sofitamos a artistas locales que conas suas inquietudes creativas puedan abrir nuevas miras que sirvan a la sociedá pa crecer d’una forma más integra. Respetamos el raigañu y el folclore popular de la nuesa tierra, considerando necesaria una permeabilidá con outras corrientes artísticas, polu que creemos que la convergencia ente la tradición y la contemporaneidá yia propia d’una sociedá n’evolución, lu que permite abrir nuevos caminos conociendo y contextualizando’l nuesu pasáu.