PROYECTU ALANTRE, reflexu d’un xeitu facer política que mira allantrones gayoleiru, y que tien la sua basa en construir el presente andando a la güeta l’alcuentru y la cooperación ente iguales.

El taraxacum lacianense yia la flor simbolizada, que nun yia outra cousa qu’un diente de León autóctonu de la nuesa tierra. El sou color yia símbolu d’ilusión y cambeu. La ilusión qu’a moudin espardirase a lu llargu y anchu de la nuesa tierra, y quién sabe si acullá. Un aire frescu dende’l progresu hacia una sociedá más xusta, consciente y respetuosa col sou patrimoniu natural.

La palabra “Alantre” reflexa’l nuesu deseu d’avanzar ensin escaecer la bayura del nuesu patrimoniu cultural. D’esti xeitu, elixióuse un términu d’una llingua propia qu’angüañu alcuéntrase en seriu peligru de desaniciu: la llingua asturllionesa. Peru nel País LLionés conviven deillas llinguas, yia polo que, xunto a esti términu, tamién reconocemonos na palabra castellana “Avance” y la galega “Adiante”. La palabra “Proyecto” consiste nel conxuntu d’oxetivos que se alcuentran interrelacionaos y coordinaos, significa que yia una institución ensin acabar, qu’esta en continu cambeu y tresformación, avanzar cola sociedá.

Tampoucu la forma las lletras yia casual, siendo la forma de la “A” una remembranza a los afilaos picurutos de las nuesas montañas, que maxestuosos llindan las fronteiras de la nuesa tierra y que xunto col mariellu xúnese a los nuesos fértiles campos.

En resumen, semos los fiyos que se van y los país que se quedan curiando a los sous mayores, Semos los qu’on tamos, los que resistimos, los que nun cedemos a esti desahuciu programáu de la nuesa tierra, ALANTRE, nun yia outra cousa qu’un espaciu creáu pa empoderar la nuesa tierra, y facer posible una tresformación social n’igualdá, xusticia y respetuosu.