1. ENTAMU
El presente documentu expón d’un xeitu xeneral el conxuntu de principios y normas que resultan d’aplicación a tolos miembros del Proxectu ALANTRE (darréu, ALANTRE) y que resultan válidos pa establecer los parámetros orientadores de la cultura ética del proxectu. Esti documentu nun yia motivu pa ignorar el restu de normativa d’ALANTRE.
El proyectu fórmase polos paisanos y paisanas de las comarcas del País LLionés. Xuntos quieren ofrecer una alternativa política basada nel autonomismu progresista, la esquierda moderna y l’ecoloxismu políticu.
ALANTRE quier un País LLionés más democráticu, con una política tresparente, honesta y al serviciu de los intereses de la mayoría. Abogan por un modelu de sociedá más participativa, con una ciudadanía participativa, informada y formada, consciente y tresformadora.
Defienden un modelu económicu sostenible, respetuosu col mediu ambiente y conas personas, un modelu que combata la irresponsabilidá política de gobiernos anteriores.
ALANTRE nun entiende’l progresu ensin qu’esti se base fundamentalmente na sostenibilidá y la xeneración de puestos de trabayu dignos, basándose pa eillu, nas enerxías renovables, el reciclaxe, el decrecimientu y la recuperación, l’agricultura ecolóxica, el turismu verde y las industrias llimpias, col apueste pola eficiencia y la responsabilidá na xestión de los recursos, cumo’l respetu a la salú mental y física.
La sanidá, l’ensiñu, la cultura, las ayudas a la dependencia, los tresportes públicos y el trabayu estable y seguru son los eixes prioritarios subru los que trabaya ALANTRE.
L’autonomismu yia un valir prioritariu nel proxectu, esixiendo una ampliación del autogobiernu, respetando la identidá del pueblu llionés y protexiendo la sua llingua, el LLionés y dende’l respetu a tol ordenamientu xurídicu del Estáu.
Robrando esti documentu queda pescanciáu qu’acepta respetar tolos documentos públicos y privados d’ALANTRE, especialmente: los Estatutos, el Reglamentu, el Códigu de Conducta y la Carta financiera.
Los avalistas dan fe de la buena voluntá del nuevu miembru.
Pa un meyor pescancie un fondeiru de la normativa remitimos-y al Estatutu y el Reglamentu d’ALANTRE.
2. Principios
En PROXECTU ALANTRE proponemos y fomentamos un conducta ética que promueva la relación de confianza ente los ciudadanos, la sociedá, los miembros y afiliáos del proxectu. Ser del PROYECTU ALANTRE, significa robrar un compromisu éticu con:
Quienes son d’esti proyectu, reconocen las bases que siguen darreú:
-
El nuesu más estrictu cumplimientu de la totalidá del ordenamientu xurídicu.
- ALANTRE paisan@s.
La promoción y potenciación de la participación ciudadana cumo motor de cambéu yia prioritaria pa nosotros.
La ética pública preside tola nuesa política, estando de forma honrada, digna y xusta cona ciudadanía y conos nuesos compañeiros, tanto nel ambitu públicu cumo priváu. Las decisiones consensuadas deben básase nel debate democráticu anterior realizáu nos nuesos conceyos, manifestándose las discrepancias dende’l respetu y la llealtá al proxectu. L’usu de cualisquier violencia na defensa del nuesu posicionamientu políticu queda prohibíu dafeitu y podrá sancionase d’alcuerdu col nuesu réximé disciplinariu.
-
RESPETU A UNOS VALORES.
Será incompatible pertenecer a dalguna asociación ou movimientu que defienda una ideoloxía política a la escontra de la defendida’l PROXECTU ALANTRE.
- LA NUESA CONDUCTA.
Enunciamos los siguientes puntos específicos respectu a los miembros de PROXECTU ALANTRE, y regulaos na normativa correspondiente:
-
Ayalgas, obsequios ya invitaciones conforme al ordenamientu xurídicu.
-
Tresparencia. Dimisión por conductas impropias.
-
Limitación de mandatos, sueldu y cargos tantu públicos cumo orgánicos.
-
Autonomía de los nuesos conceyos locales, comarcales y territoriales.
-
Confidencialidá y privacidá.
3. Cumplimientu
Las Secretarías d’Organización y Garantías de cada división política del PROXECTU ALANTRE asumen el deber de protexer el cumplimientu de tol nuesu ordenamientu y el caltenimientu d’esti por tola militancia.
- Comprobar l’aplicación de las normas dadas por ALANTRE.
- Revisar las iniciativas pa la difusión de la conocencia y la comprensión de la normativa pola militancia.
- Recibir y analizar los avisos de la normativa d’ALANTRE y convocar la Comisión de resolución de Conflictos.
- Tomar decisiones con respectu a normativas de relevancia significativa, proponiendu nel sou casu la imposición de sanciones y la adopción de medidas disciplinarias.
- Establecer controles pa evitar la comisión de delitos que pudieran xenerar responsabilidá penal.
- Proponer ya/ou entamar las modificaciones ya integraciones a aportar na nuesa normativa.
La normatriva d’ALANTRE dase a la conocencia de los implicados internos ya externos per aciu l’unviu d’esta por correu electrónicu ya al traviés de la sua espublización na páxina web.
Naide, independientemente del sou nivel ou posición, está autorizáu pa solicitar qu’un miembru del proxectu cometa un actu ilegal ou qu’estea a la escontra lu establecíu na normativa del Proxectu ALANTRE.
